Xususan, tovarlarning bojxona rasmiylashtiruvi uchun yigʻim miqdori bojxona organlari tomonidan amalga oshiriladigan harakatlar bilan bogʻliq xarajatlarning taxminiy qiymatidan kelib chiqib belgilanadi, shuningdek, «eksport» va «import» bojxona rejimlarida tovarlarni rasmiylashtirish uchun olinadigan bojxona yigʻim stavkalari muvofiqlashtiriladi.

Bundan tashqari, bojxona organlarining ish vaqtidan tashqarida amalga oshiriladigan bojxona rasmiylashtiruvi uchun yigʻim stavkalari 8 baravar, bojxona hududida va uning tashqarisida qayta ishlash rejimlarida rasmiylashtirish uchun esa 2 baravar kamaytirilmoqda. Qiziqarli tomoni shundaki, oldindan deklaratsiya qilinganda yigʻim miqdoridan 20% chegirma taqdim etiladi.