Daniyaning Maersk yuk tashish kompaniyasi hutiylar tomonidan o‘z kemalariga qilingan hujumlardan so‘ng Qizil dengiz orqali tranzitni 48 soatga to‘xtatadi, deb xabar bermoqda DR telekanali.

Yakshanba kuni ertalab AQSh Markaziy qo‘mondonligi Maerskning “Xangzhou” savdo kemasi Qizil dengizda husiylar tomonidan yana hujumga uchragani va AQSh vertolyotlari kichik qayiqlarni cho‘ktirgani haqida xabar bergan edi.

Maersk avvalroq dengizda yuk tashishni himoya qilish uchun “Gardian of Prosperity” ko‘pmillatli operatsiyasi boshlanganidan so‘ng Qizil dengiz orqali yuk tashishni davom ettirishga tayyorlanayotganini aytgan edi.

Juma kuni Bloomberg agentligi Pentagonga tayanib xabar berishicha, AQSh harbiylari yuk tashish kompaniyalarini hutiylarning hujumlariga qaramay, ko‘p millatli kuch Qizil dengiz va Suvaysh kanali orqali xavfsiz o‘tishni ta’minlayotganiga ishontirishga harakat qilmoqda.